Ad cenan Agni providi (Roman Breviary, 6th century)

Ad cenan Agni providi (Roman Breviary, 6th century)

Ad cenan Agni providi (Roman Breviary, 6th century)

Advertisements

Ad cenam Agni providi, stolis salutis candidi, post transitum maris Rubri Christo canamus principi.

Cuius corpus sanctissimum in ara crucis torridum, sed et cruorem roseum gustando, Dei vivimus.

Protecti paschae vespero a devastante angelo, de Pharaonis aspero sumus erepti imperio.

Iam pascha nostrum Christus est, agnus occisus innocens; sinceritatis azyma qui carnem suam obtulit.

O vera, digna hostia, per quam franguntur tartara, captiva plebs redimitur, redduntur vitae praemia!

Esto perenne mentibus paschale, Iesu, gaudium et nos renatos gratiae tuis triumphis aggrega.

Iesu, tibi sit gloria, qui morte victa praenites, cum Patre et almo Spiritu, in sempiterna saecula. Amen.